COMEZAMOS!!
Hoxe foi o último día do curso 2023-2024. E para os nenos e nenas de sexto non foi coma outro ano calquera. Para eles tamén chegou o momento de despedirse do cole no que estiveron dende pequeniñ@s e iniciar unha nova etapa no instituto. Tedes que afrontar este novo reto con gañas e con ilusión. Seguro que vos irá moi ben, pois sabemos que sodes capaces de lograr todo o que vos propoñades na vida.
Ainhoa, Dani, Alexia, Neri, Hugo, Manu, Joaquín, Ainara, Lucas, Adri e Andrea: Fostes un grupo marabilloso e nunca vos esqueceremos. Esperamos as vosas visitas e desexámosvos todo o mellor!
💓💓💓💓💓💓💓💓💓💓💓
Aínda que o tempo non axudou moito, hoxe en Corax Fauna, no concello de Paderne, pasamos unha mañá inesquecible. Da man de Javi, o noso guía, puidemos ver todos os fantásticos animais que viven alí. Aprendemos moitas cousas interesantes e tamén nos concienciamos do importante que é coidar dos animais e da natureza en xeral.
💚💚💚💚
Hoxe demos por rematadas por este curso as actividades do horto escolar e o composteiro. Queremos agradecer a Ángel, de EuroEume , e tamén a Nerea, as horas que pasaron con nós. Aprendemos moitas cousas que non aparecen nos libros de texto, pero que tamén son moi importantes. O vindeiro ano os rapaces de sexto xa non estarán no cole, pero esta actividade seguirá co novo alumnado de quinto e sexto.
Grazas e feliz verán!!
💚💚💚
Para conmemorar o Día Mundial do Medio Ambiente, achegámonos ata o río Sesín. Coa axuda dos nosos amigos Ángel e Nerea, de EuroEume, analizamos a calidade da auga e estudamos a flora e a fauna deste ecosistema tan importante para nós. Debemos seguir facendo todo o posible para manter en bo estado de conservación o noso patrimonio natural e paisaxístico.
💚💚💚
Da man da nosa nova amiga Marián , de Trémola Teatro , hoxe estivemos traballando as emocións . Primeiro visionamos unha curtametraxe que trataba do acoso escolar e despois convertémonos en actores e actrices representando varias situacións relacionadas con este tema . Foi moi instructivo e divertido!
👏👏👏
Laura Rodríguez Herrera , directora de Hércules de Ediciones de A Coruña achegouse ata o cole para falarnos do seu traballo e de todo o proceso de edición dos libros. Foi unha charla moi interesante e decatámonos de cantos e cantas profesionais fan falta para sacar ao mercado calquera publicación . Tamén falamos nos nosos desexos para o futuro e a que queremos adicarnos . Aínda temos tempo por diante , pero non está mal ir pensando ...
👏👏👏
