Este venres , dentro das actividades do Proxecto Ríos que estamos levando a cabo no cole , tocounos facer unha saída ao río Sesín . Coa axuda do noso novo amigo Ramsés , membro de ADEGA ( Asociación para a Defensa Ecolóxica de Galiza ) , os rapaces e rapazas de terceiro , cuarto , quinto e sexto estivemos buscando e observando pequenos invertebrados e mesmo algún vertebrado que viven no río Sesín .
Atopamos unha grande variedade e a verdade é que resulta bastante emocionante decatarse da existencia de tanta vida animal e vexetal nun espazo tan pequeno .
Por iso debemos facer todo o que estea nas nosas mans para protexer esta biodiversidade que tan importante é para nós e que temos tan preto das nosas casas .
