Día do peón

 "Polo san Martiño peóns ao camiño " . Coma cada ano celebramos no cole o Día do Peón . Como os nenos e nenas de quinto e sexto somos persoas moi ocupadas , antes de ir a xogar tamén tivemos tempo de seguir traballando un pouco no noso composteiro e no horto escolar . Hoxe fixemos uns microcomposteiros moi chulos e tamén revisamos os semilleiros .

Despois do recreo xa foi o tempo de celebración . Lemos o Manifesto , bailamos ao ritmo do clásico "Fago o camiño" e , sobre todo , desfrutamos dos xogos tradicionais e , en especial , do peón , que para iso é o seu día . Os nenos e nenas de quinto fixemos de monitores e a verdade é que o pasamos moi ben!

💗💗💗

Vaia ritmos!

 Hoxe desprazámonos ata Ferrol para asistir na Afundación Abanca ao espectáculo " Vaia ritmos ! " , a cargo de Odaiko Percussion Group . Foi unha mistura de humor , improvisación , sorpresa e interacción que nos fixo pasar unha mañá moi divertida!

👋👋👋👋

Samaín e Magosto

 Rematamos o mes de outubro celebrando o Samaín e tamén o Magosto . Así que hoxe disfrazámonos , comemos castañas e pasámolo bomba cos xogos que nos preparou Fer , o profe de Educación Física. Tamén houbo agasallos para todos/as  os/as  participantes na exposición de cabazas . En fin , unha xornada inesquecible!!

😀😀

Primeiros pasos do noso horto

 Aínda que o tempo non acompañou moito , hoxe empezamos a traballar no horto escolar . Coma sempre  baixo a sabia batuta de Ángel , de EuroEume , esta mañá fixemos varias cousas . Primeiro , retiramos o plantío vello dos bancais  , despois preparamos  semilleiros e mesmo tivemos tempo de plantar as primeiras leitugas !

Día das Bibliotecas na Casa da Cultura

 Para conmemorar o Día das Bibliotecas acudimos á Casa da Cultura , convidad@s por Maribel , a bibliotecaria da Capela . Alí agardábanos Raquel Queizás e o seu espectáculo " A maleta da avoa " . Pasamos unha hora moi divertida coas súas historias . Agardamos verte por aquí máis veces!

👋👋👋

Enraizadas

 A asociación EuroEume das Pontes organiza un ano máis o proxecto de educación social na escola " Enraizadas " . Na primeira sesión , fixemos con Nerea unha presentación de todos e todas as participantes . Tamén falamos de quen son os nosos referentes e de mulleres importantes do noso entorno , que nos poden aportar moito e que cada día poñen en valor o papel das mulleres no sector primario e no rural . En novembro , Nerea volverá á escola e seguiremos afondando nesta temática tan importante , así como no concepto de soberanía alimentaria .

Plan Director : Protección da Natureza

 A nosa amiga Sara Rodríguez , axente da Garda Civil de Fene , falounos hoxe na segunda sesión do Plan Director sobre as cousas que podemos facer para protexer o noso entorno natural . Isto inclúe medidas para evitar incendios forestais , loitar contra a contaminación , protexer a flora e a fauna que nos rodea e tamén como debemos atender aos animais que viven con nós nas casas . Falounos da nova Lei de Benestar Animal que se aprobou recentemente e deunos outros valiosos consellos . Coma sempre , foi un pracer escoitala e aprendemos moitas cousas .

Moitas grazas Sara e ata a próxima !

👮👮

Plan Director : Ciberseguridade

 Coma cada ano , a axente da Garda Civil Sara Rodríguez deunos uns consellos moi valiosos para usar as novas tecnoloxías con seguridade e evitar problemas que poden xurdir . Se actuamos con coidado podemos aproveitar todo o que nos ofrecen sen meternos en líos...

Grazas Sara e ata a semana que vén , xa que volverás para falarnos da protección da natureza , outro tema ben importante.

Composteiro e horto

 O noso amigo Ángel , de EuroEume, deunos hoxe unhas indicacións para botar a andar o noso composteiro e o futuro horto escolar . Quédanos unha importante tarefa por diante , xa que os nenos e nenas de 5º e 6º seremos os encargados e encargadas de facer a meirande parte do traballo e tamén transmitir a todo o cole a importancia deste proxecto . A ver se a finais de curso somos autosuficientes...

😉😉

Mago Paco , Unha Maxia Diferente

 Convidados/as pola bibliotecaria da Capela , Maribel , este venres asistimos a un espectáculo inesquecible na Casa da Cultura . O Mago Paco , vello coñecido noso , sorprendeunos e divertiunos cos seus trucos . E por riba tamén puidemos ver o ben que bailan os profes do cole!

😂😂😂

Saaabor !

 Comezamos un novo curso e a mellor maneira de facelo é con risas . A Concellería de Educación da Capela tróuxonos ao cole aos xeniais artistas de "Culturactiva Producións" e a súa obra "Saaabor!".

Fartámonos de rir coas súas historias e as súas "deliciosas" receitas...

Esperamos vervos axiña de novo por aquí!

😂😂😂