Este venres visitounos a escritora Ana Meilán para celebrar con nós o Día do Libro . Contounos a historia da obra que estivemos traballando , " O que a serea esqueceu " , e tamén tivemos tempo para falar e escribir sobre os nosos recordos e as cousas que desexamos para o noso futuro . Grazas Ana por compartir as túas historias con nós , e tamén por asinarnos os libros ...
👋👋👋
Da man da nosa nova amiga Ana Loredo hoxe estivemos falando das emocións e do importante que é coñecelas . E non soamente as nosas , senón tamén as dos demais , para mellorar as relacións interpersoais , que son a base dunha boa convivencia . Grazas Ana! 💓💓
Levábamos tempo agardando por esta saída e a verdade é que non decepcionou a ninguén . Primeiro visitamos o Porto Interior , un lugar ao que non é fácil acceder . Alí , dous axentes da Autoridade Portuaria ensináronnos todas as instalacións e cal é o seu traballo . Teñen que controlar todo o que se fai no Porto . Tamén visitamos a lonxa , onde o biólogo Félix nos falou de como se recolle e comercializa todo o marisco tan rico que produce a ría.
Pero o momento que máis nos tardaba era a viaxe en barco . Primeiro merendamos para coller forzas e despois embarcamos , decididos e decididas a surcar as augas da costa ferrolá . A verdade é que a puidemos ver en todo o seu esplendor e sempre coas acertadas explicacións do persoal do barco .
En fin , foi unha xornada inesquecible para todos e todas! 😍😍
Hoxe os nos@s amig@s da Escola Mutidisciplinar Gazapo , de Narón , impartíronnos un obradoiro de robótica moi divertido . Construimos uns coches chulísimos e pasámolo moi ben . Grazas e ata a próxima! 😏😏
Rematamos febreiro coa segunda visita da psicóloga e especialista en mediación Jeniffer Herbón . Nesta ocasión falounos de como xestionar mellor as nosas emocións . Aprendemos e desfrutamos moito con ela ! Grazas Jeni !
A psicóloga e especialista en mediación Jeniffer Herbón falounos hoxe de como xestionar mellor a nosa convivencia e os conflitos que poden xurdir . Deunos uns consellos moi valiosos e que tentaremos levar á práctica .
Da man de Ángel , de Euroeume , hoxe montamos dous composteiros no cole . Este é o primeiro paso para botar a andar o noso futuro horto escolar . Agora temos que gardar os residuos orgánicos que producimos e ir "alimentando" os composteiros día a día .
