Trémola Teatro

Grazas a Lucía , da compañía Trémola Teatro , fixemos unha viaxe divertidísima pola vida e a obra de Francisco Fernández del Riego . Bailamos , cantamos , rimos e desfrutamos moito con esta actividade . Tamén descubrimos cousas que non sabiamos de don Paco...

Feliz Día das Letras Galegas!

Sole Felloza na Casa da Cultura

 Hoxe asistimos na Casa da Cultura a unha sesión de contacontos a cargo de Soledad Felloza . Contounos  á súa maneira tan divertida a historia de Francisco Fernández del Riego , o persoeiro ao que este ano se lle adica o Día das Letras Galegas . Sole é unha aposta segura e nunca defrauda! Por riba , mesmo nos convidou a rosquiñas!

Grazas Maribel por traernos unha vez máis actuacións tan fermosas!

👏👏👏

Día do Libro con Ana Meilán

 Este venres visitounos a escritora Ana Meilán para celebrar con nós o Día do Libro . Contounos a historia da obra  que estivemos traballando , " O que a serea esqueceu " , e tamén tivemos tempo para falar e escribir sobre os nosos recordos e as cousas que desexamos para o noso futuro . Grazas Ana por compartir as túas historias con nós , e tamén por asinarnos os libros ...

👋👋👋

Emociona-T

 Da man da nosa nova amiga Ana Loredo hoxe estivemos falando das  emocións e do importante que é coñecelas . E non soamente as nosas , senón tamén as dos demais , para mellorar as relacións interpersoais , que son a base dunha boa convivencia . Grazas Ana!  💓💓

Excursión a Ferrol

 Levábamos tempo agardando por esta saída e a verdade é que non decepcionou a ninguén . Primeiro visitamos o Porto Interior , un lugar ao que non é fácil acceder . Alí , dous axentes da Autoridade Portuaria ensináronnos todas as instalacións e cal é o seu traballo . Teñen que controlar todo o que se fai no Porto . Tamén visitamos a lonxa , onde o biólogo Félix nos falou de como se recolle e comercializa todo o marisco tan rico que produce a ría.

Pero o momento que máis nos tardaba era a viaxe en barco . Primeiro merendamos para coller forzas e despois embarcamos , decididos e decididas a surcar as augas da costa ferrolá . A verdade é que a puidemos ver en todo o seu esplendor e sempre coas acertadas explicacións do persoal do barco .

En fin , foi unha xornada inesquecible para todos e todas! 😍😍

Obradoiro de robótica

 Hoxe os nos@s amig@s da Escola Mutidisciplinar  Gazapo , de Narón , impartíronnos un obradoiro de robótica moi divertido . Construimos uns coches chulísimos e pasámolo moi ben . Grazas e ata a próxima! 😏😏

Xestión de emocións

 Rematamos febreiro coa segunda visita da psicóloga e especialista en mediación Jeniffer Herbón . Nesta ocasión falounos de como xestionar mellor as nosas emocións . Aprendemos e desfrutamos moito con ela ! Grazas Jeni !