Día da Árbore

 Para conmemorar o Día da Árbore , recibimos no cole a visita do persoal do Distrito Forestal nº1 ( Ferrol ) . Entre estes gardas forestais estaba Martín Blanco , pai da nosa compañeira Inés , de terceiro .

Ensináronnos en que consiste o seu traballo , fundamental para garantir a conservación do noso patrimonio natural , loitar contra os incendios forestais e a contaminación , etc. Todos e todas podemos e debemos axudar nesta tarefa tan importante .

Tamén nos agasallaron con varias árbores que nos axudaron a plantar e resolveron todas as dúbidas que tiñamos.

Grazas a tod@s pola vosa visita e noraboa polo voso traballo!

👏👏👏

Plásticos e reciclaxe

 Como o tempo non acompañaba para realizar traballos no exterior ,  aproveitamos a sesión de hoxe con Ángel , de EuroEume , para abordar un tema moi interesante e que sufrimos a diario . E é que o uso dos plásticos é moi perxudicial para a natureza e para nós mesmos e mesmas . Temos que facer todo o posible para ir substituíndoos por outros materiais máis ecolóxicos e sostibles .

Día de Rosalía

 Como cada 23 de febreiro , hoxe celebramos no cole o Día de Rosalía . Lembramos á máis grande das nosas escritoras cun recital poético dalgunha das súas composicións máis célebres . 

Seguimos co noso horto

 Hoxe recibimos a visita de Ángel , de EuroEume , e fixemos varios traballos : transplantamos as plantas que tiñamos nos semilleiros , fixemos máis semilleiros para próximas plantacións e tamén puxemos tres trampas para loitar contra as velutinas , que xa empezan a atacar ...

Día da Paz

 Como cada 30 de xaneiro , hoxe conmemoramos o Día da Paz e a Non Violencia . Coas guerras e os conflitos que hai no mundo non podemos deixar de lembrar o fundamental que para todos e todas é a paz . Fixemos unhas manualidades moi chulas que colgamos da Árbore da Paz . Grazas a todas as familias por colaborar!

Despois do recreo bailamos a canción deste ano e tamén tivemos uns xogos colaborativos moi divertidos que preparou o profe Fer . Concienciación e diversión a partes iguais!

👐👐

Festival de Nadal

 O 21 de decembro celebramos o tradicional Festival de Nadal . Despois da fantástica actuación de Paco Nogueiras , tocounos actuar a nós . E , coma sempre , os nenos e nenas do terceiro ciclo démolo todo . Presentamos , actuamos , bailamos , cantamos , contamos chistes e adiviñas... E sobre todo pasámolo ben!

Feliz 2024! 

😍😍

" Enraizadas " : entrevista a Manola

 Por fin chegou o día! Hoxe tivemos no cole á nosa referente Manola , presidenta durante moitos anos de CampoCapela , gandeira , mestra , nai , amiga ... Foi un pracer falar con ela , contestounos todas as nosas preguntas e ensinounos moitas cousas . É desa clase da persoas das que sempre tes moito que aprender . Grazas Manola pola túa visita e grazas Nerea por prepararnos este traballo tan bonito e enriquecedor!

💚💚

MES DA CIENCIA EN GALEGO

 

"A Igualdade en Cores"

 Outro venres de acción ... Primeiro traballamos duro no noso horto escolar , preparando novos semilleiros e dándolle unha volta ao  composteiro . Despois , coa axuda das nosas novas amigas Naza e Vero xogamos ao Pasapalabra da Igualdade e tamén fixemos unhas grullas moi chulis de papel . Por riba , o Concello , promotor desta actividade " A igualdade en cores " deunos uns bonitos e útiles  agasallos . Grazas a tod@s !

Teatro e Enraizadas

 Con motivo da conmemoración do Día Internacional Contra a Violencia de Xénero hoxe tivemos no cole unha obra de teatro moi divertida  titulada " Travesía Unicornio " . Rimos moito e tamén nos quedou claro que as mulleres tamén poden ser xenias ... Grazas ao Concello por traernos a estes artistas tan xeniais!

Despois , con Nerea , de EuroEume , seguimos traballando no noso proxecto sobre mulleres referentes da nosa contorna . Xa pensamos as preguntas que lle poderemos facer a Manola , gandeira e presidenta de CampoCapela durante 16 anos , cando nos visite a semana que vén .