Este ano no cole estamos desenvolvendo un proxecto de robótica educativa . Hoxe os rapaces e as rapazas de quinto e sexto montamos os robots Mbot e probámolos . Todos funcionaban xenial!!!
Agradecemos a colaboración da nosa orientadora Alba e da profe de inglés Sandra .
A pesar das dificultades que estamos a atravesar este ano , os Reis Magos non quixeron deixar de visitarnos , como fan sempre por estas datas .
Hoxe , na hora de ler , recibimos a visita do noso ratiño Cusco . Viña acompañado da nosa profe de inglés , Sandra , e traíanos un agasallo moi especial : a mochila viaxeira , chea de libros e outros materiais cos que pasaremos moitas horas de diversión nas vindeiras semanas .
Grazas , Cusco !
Hoxe , xoves 22 de outubro , os rapaces e rapazas de terceiro , cuarto , quinto e sexto de primaria asistimos ao espectáculo " Estrafalaria " , a cargo de Atenea García . Foi unha actividade organizada pola Biblioteca da Capela .
Pasámolo moi ben , pois escoitamos historias divertidas e Atenea tamén nos falou de mulleres tan interesantes coma Rosalía de Castro , Gloria Fuertes , Frida Kahlo ou Violeta Parra .
Hoxe os nenos e nenas de 4º , 5º e 6º acudimos á Casa da Cultura , convidad@s pola Biblioteca da Capela , para asistir ao espectáculo " Contos para pasalo de medo " , a cargo de Carmen Domech .
Foi unha hora de diversión e... tampouco tivemos tanto medo , xa que somos moi valentes !
