Hoxe os nenos e nenas de quinto e sexto tivemos a sorte de pasar toda a mañá con Secundino , o eterno mestre e director do noso colexio . Primeiro visitamos o Museo Etnográfico , onde vimos como vivían os nosos avós , bisavós ... É importante coñecer de onde vimos para saber hacia onde imos .
Despois fixemos un roteiro polo río Sesín . Como estamos en bastante boa forma física , non nos cansamos demasiado... 😏
Esperamos repetir axiña!
Grazas Secun!!!!
Hoxe visitounos Nicolás Taracido , un apicultor e divulgador de Pontevedra , que nos ensinou un montón de cousas moi interesantes sobre o mundo das abellas . Aprendemos como viven , como traballan , a grande variedade de produtos que nos ofrecen e , sobre todo , a súa importancia para que a vida siga existindo no noso planeta .
Tamén probamos o mel tan rico que nos dan e mesmo fixemos unha bonita candea coa cera das abellas .
Grazas Nico!
Hoxe , dende Madrid , falamos mediante videoconferencia con Carolina Blázquez , responsable de innovación e sustentabilidade da empresa ECOALF . Explicounos o grave problema que supón a cantidade de plásticos e outros refugallos que hai nos nosos mares , e tamén o que están a facer dende a súa organización para resolver o problema. Animounos a que nós mesmos e mesmas fagamos o que nos sexa posible para que entre todos e todas fagamos do noso planeta un lugar mellor onde vivir.
Foi unha charla moi interesante e agradecémoslle que nos adicara unha hora do seu tempo . Grazas tamén á nosa orientadora Alba por organizarnos esta actividade tan bonita! 😊
Como cada ano , celebramos na escola o Día Da Paz . Nesta ocasión quixemos darlle un carácter solidario , como debe ser , e xuntamos comida para aqueles e aquelas que a poidan precisar . Agradecemos a colaboración das familias nesta recollida de alimentos .
Para conmemorar o Día Internacional Contra a Violencia de Xénero , hoxe recibimos no cole a visita da ilustradora Estefanía Padullés . Con ela lembramos a mulleres famosas e a outras moitas que o deberían ser por todo o que fixeron e seguen a facer polos demais .
Tamén nos metemos nós mesmos e mesmas no papel de ilustradores/as e , por riba , deixounos dous murais de animais moi bonitos.
Grazas ao Concello da Capela por subvencionar esta actividade tan interesante e divertida!
